Utdeling av Carnegies gullmedalje for heltedådig innsats
Ordførar Kjartan Longva delte i dag ut gullmedalje og diplom frå Carnegies Heltefond til Jarle Berge og Even Asle Simonsen.
Dei vart tildelte medaljen på bakgrunn av den redningsinnsatsen dei gjorde i samband med brannen i omsorgsbygget for eit år sidan. Markeringa fann stad i kantina på Høyanger helsesenter der ordføraren hadde invitert bebuarar i omsorgsbustadane, rådmann, helseleiing, politiet, brannvesenet med fleire. Det var brei pressedekning under markeringa. I ordføraren sin tale poengterte han at det var mange heltar i samband med redningsarbeidet under brannen. Simonsen og Berge gjorde ein formidabel innsats og er gode representantar for utmerkinga frå Carnegies heltefond.
Høyanger kommune gratulerer med utmerkinga og takkar igjen for innsatsen.