Temaelement
Helse, sosial og omsorg
Tenesteområde helse og omsorg omfattar mellom anna sjukeheimane, open omsorg, legetenesta, førebyggande helsetenester, NAV, barnevern, dagtilbod, m.v.
Pleie- og omsorgstenesta i Høyanger kommune er inndelt i 3 geografiske distrikt: Høyanger, Lavik og Sørsida. Desse tenestene omfattar heimesjukepleie, praktisk bistand/heimehjelp, tryggleiksalarm, psykiatri, dagtilbod og tenester til psykisk utviklingshemma. Tenestene er tilrettelagt med utgangspunkt i at flest moglege skal kunne oppretthalde funksjonsevne og best mogleg livskvalitet.
Psykiatritenesta består av psykiatrisk sjukepleiar og Dalestova arbeids- og aktivitetssenter.
Det er to sjukeheimar i kommunen. Kyrkjebø sjukeheim har 24 langtidsplassar, og Høyanger sjukeheim har 40 plassar der 8 er korttids-/rehabiliteringsplassar.
Helsetenesta i kommunen omfattar helsefremjande og forebyggjande helsearbeid som til dømes fastlege, legevakt, helsestasjon, smittevern, vaksinasjonar, ergo- og fysioterapiteneste. Lege og helsestasjon har kontordagar i Lavik og på Søreide.
NAV-kontoret i Høyanger sitt brukarsenter held til i 1.etasje i Høyanger helsesenter. NAV-kontoret er eit partnerskap mellom Høyanger kommune og NAV Sogn og Fjordane. Tilbodet til NAV omfattar mellom anna desse sosiale tenestene: råd og rettleiing, økonomisk- /gjeldsrådgjeving, økonomisk sosialhjelp, Kvalifiseringsordninga og støttekontakt. Elles omfattar kontoret sine tenester ulike folketrygdytingar og arbeidsmarknadstiltak.
NAV-kontoret vart opna 31. august 2007.
|
|
|
|
|
|