Reisevaksinering

• Fyll ut vaksineskjema (tosidig). Skjema finner du:
  • Helsestasjonen på Helsesenteret, 2. etasje i brosjyrehylla på venterommet
  • Høyanger legekontor på Helsesenteret, 1. etasje
  • Lavik helsesenter på venterommet
  • Søreide helsetun på venterommet

Vi arbeidar med ei elektronisk løysing.

• Skjema leverast på helsestasjonen i Høyanger eller sendast pr. post til Høyanger helsestasjon, Pb. 159, 6991 Høyanger. Skjema bør ikkje sendast på e-post då det inneheld sensitive personopplysingar.
• Når vi har motteke utfylt skjema vil vi gi deg ei anbefaling og timeavtale pr. telefon. Du høyrer frå oss normalt innan 3 veker. 

• Vaksiner for utanlandsreiser, reiseråd og resept på malariatablettar
• Påfyll av barnevaksinasjon (vaksinar gitt i barnevaksinasjonsprogrammet)

Oversikt over vaksinasjonsstatus for deg og eigne barn under 16 år finn du ved å logge deg inn på Helsenorge

• Hugs å ta med vaksinekort om du har 
• Betaling via bankterminal

Vi gir vaksineråd og malariarettleiing etter Folkehelseinstituttets (FHI) anbefalingar.

Kva for vaksiner ein bør ta, avheng av:

• Reisemål
• Reisa si lengde og årstid
• Reisetype (forretnings- eller turistreiser, "backpacking", studieopphald, arbeidsopphald) 
• Buforhold
• Hygiene, opphald i område med dårlege hygieniske og sanitære forhold
• Sjukdomssituasjonen i land ein skal besøke
• Besøk til familie i heimland
• Tidlegare vaksinasjonsstatus
• Helsetilstand og alder

Aktuelle lenker frå FHI:

Smittevernråd og vaksiner ved reiser

Ved å førebyggje myggstikk vernar du deg mot ein rekkje alvorlege sjukdommar (t.d. malaria, denguefeber, japansk encefalitt, zikafeber, gulfeber). Mange insekt overfører sjukdommar som det verken finst vaksine eller behandling for. Malariatablettar tilrådast der det er risiko for alvorleg malariasmitte/sjukdom.

Den mest vanlege febersjukdommen er Malaria. meir informasjon finner du i lenke under:

Malariaveilederen

Folkehelseinstituttet anbefaler oppfriskningsdose av difteri, stivkrampe, kikhoste og poliomyelitt kvart 10.år. Dette gjeld også personar som ikkje skal reise utanlands.

Du kan lese meir om dette på nettsidene til FHI:

Oppfriskningsvaksiner