Som besøkjande eller som ny innbyggjar fins det truleg ein del spørsmål du ynskjer svar på. Nokon svar finn du på våre nettsider, men du er også hjartleg velkommen til å kontakte vårt sentralbord om du har ytterlagare spørsmål.
Ein plass å bu?
Høyanger kommune har ledige husvære for leige eller sal i Hjetlandsbakkane burettslag, Høgebakkane, Dalebøen burettslag, og Kyrre Greppsgate. Ta gjerne ein uformell kontakt med Randi Norevik v/teknisk forvaltning tlf: 57711535 om du lurer på moglegheita for å leige eller kjøpe.
Andre husvære for sal eller leige finn du i hovudsak i papirutgåva av lokalavisa Ytresogn, eller på:
www.finn.no
www.tinde.no
www.ssf.no
På jakt etter jobb?
Næringslivet i Høyanger kommune er i utvikling og vekst. Flesteparten av arbeidsplassane i kommunen finner ein innanfor offentleg sektor, industri og ulike tenesteleverandørar til industrisektoren. Kommunen har også ei vekst innanfor offshorerelatert verksemd, akvakultur, transport, IKT og anleggsverksemd.
Både offentlege og private verksemder i Høyanger kommune har mål om kompetanseheving. Ein av strategiane er rekruttering utanfrå.
Ledige stillingar publiserast på www.nav.no, men i mange samanhengar kan det lønne seg å kontakte den enkelte verksemd direkte. Ein kan også kontakte Høyanger Næringsutvikling AS. Oversikt over verksemder i kommunen finn du her.
Skule- og barnehageplass?
Høyanger kommune ynskjer at barn og unge skal ha så gode oppvekstvilkår som råd, gjennom gode barnehage-, skule- og fritidstilbod. Høyanger kommune har barnehagar i Høyanger, Kyrkjebø, Vadheim, Lavik og Bjordal, tilsaman seks.
Høyanger har valt å halde fast ved ein desentralisert skulestruktur. Vi har grunnskule i Høyanger, Kyrkjebø, Vadheim, Lavik og i Bjordal. Høyanger, Kyrkjebø og Vadheim skular har og eit tilbod om skulefritidsordning (SFO).
Gjennom eit rikt lag- og organisasjonsmiljø er det gode fritidstilbod til barn, ungdom og vaksne i Høyanger kommune.
For ytterlegare informasjon sjå kontaktinformasjon i meny til venstre.
På besøk?
På www.visithoyanger.no finn du informasjon om aktivitetar, overnattingsmoglegheiter, og meir i Høyanger kommune.
Korleis komme til Høyanger?
Næraste flyplass er Førde Lufthavn ca 50 km (40 minutt i bil) frå Høyanger tettstad. Sjekk avgangar hjå www.wideroe.no
Det går eksepressbåtsamband dagleg tur/retur Noreide - Lavik - Bergen. Nærmare informasjon om rutetider finn du her.
Ekspressbussane mellom Bergen-Trondheim trafikkerer E39 Vadheim-Lavik fleire gonger dagleg. Høyanger kan også nåast med ekspressbussane som trafikkerer mellom Oslo og Sogn og Fjordane fleire gonger dagleg.
Regionale/Nasjonale ruter
Lokale ruter