Jordmor - svangerskap og fødsel

Viss du er frisk, kan du velje om du vil ha oppfølging av jordmor eller fastlege i svangerskapet eller ved eit samarbeid med desse. Ved komplikasjonar samarbeider jordmor med spesialistar ved fødeavdelinga.

Svangerskapsomsorg innheld medisinsk kontroll av mor og barn, samt individuell oppfølging for å førebu denne viktige forandringa i livet. Tilbodet er lagt opp i tråd med retningsliner frå helsedirektoratet.

Jordmor informerer om

• organisering og tilbod i svangerskapsomsorga
• rutineundersøkingar og anbefalte levevaner
• fosteret si utvikling
• råd og rettleiing i forhold til eventuelle plager og individuelle behov
• førebuing til fødsel, amming og foreldrerolle
• tilbod om barselsamtale etter fødsel

Kvar gong du skal på kontroll - ta med:

• Urinprøve (teke om morgonen før frukost same dag som du skal til kontroll)
• Helsekortet for gravide og eventuelle prøvesvar

Kvar finn du jordmor?

Jordmor har kontor på Høyanger helsestasjon, 3. etasje i Høyanger helsesenter, Storgata 8.