Ein plass å bu?
Høyanger kommune har ledige husvære for leige eller sal i Hjetlandsbakkane burettslag, Høgebakkane, Dalebøen burettslag og Kyrre Greppsgate. Ta gjerne ein uformell kontakt med Tenesteeining drift og vedlikehald v/Randi Norevik telefon: 57 71 15 35 om du lurer på moglegheita for å leige eller kjøpe.
Andre husvære for sal eller leige finn du i hovudsak i papirutgåva av lokalavisa Ytre Sogn, eller på:
www.finn.no
www.eigedomsmekling.no/eigedommar/
På jakt etter jobb?
Næringslivet i Høyanger kommune er i utvikling og vekst. Flesteparten av arbeidsplassane i kommunen finner ein innanfor offentleg sektor, industri og ulike tenesteleverandørar til industrisektoren. Kommunen har også ei vekst innanfor offshorerelatert verksemd, akvakultur, transport, IKT og anleggsverksemd.
Både offentlege og private verksemder i Høyanger kommune har mål om kompetanseheving. Ein av strategiane er rekruttering utanfrå.
Ledige stillingar publiserast på via NAV. I mange samanhengar kan det lønne seg å kontakte den enkelte verksemd direkte. Du kan også kontakte Høyanger Næringsutvikling.
Barnehage-/skuleplass ?
Høyanger kommune ønsker at barn og unge skal ha så gode oppvekstvilkår som råd, gjennom gode barnehage-, skule- og fritidstilbod. Høyanger kommune har barnehagar i Høyanger, Kyrkjebø, Vadheim, Lavik og Bjordal, tilsaman seks.
Høyanger har valt å halde fast ved ein desentralisert skulestruktur. Vi har grunnskule i Høyanger, Kyrkjebø, Vadheim, Lavik og i Bjordal. Alle skulane har tilbod om skulefritidsordning (SFO).
Gjennom eit rikt lag- og organisasjonsmiljø er det gode fritidstilbod til barn, ungdom og vaksne i Høyanger kommune.
Korleis komme til Høyanger?
Næraste flyplass er Førde Lufthavn ca 50 km (40 minutt i bil) frå Høyanger tettstad. Her kan du sjekke flyavgangar hos www.wideroe.no
Det er ekspressbåtsamband dagleg tur/retur Noreide - Lavik - Bergen. Nærare informasjon om rutetider finn du her.
Ekspressbussane mellom Bergen-Trondheim trafikkerer E39 Vadheim-Lavik dagleg. Høyanger kan også nåast med ekspressbussane som trafikkerer mellom Oslo og Sogn og Fjordane dagleg.
Regionale/Nasjonale ruter
Lokale ruter
Filmar som presenterer Høyanger
A Great place to be
Her er ein presentasjon av Høyanger på engelsk. Høyanger-amerikanaren Dan Longfellow fortel om då den moderne tida kom til Høyanger, med vasskraft og aluminiumsproduksjon, på starten av 1900-talet. Reisa held fram til idag; ein moderne småby i trygge omgjevnader, med eit moderne næringsliv. Filmen fekk ei lita oppdatering i 2010.
Industristaden Høyanger - 100 års jubileet
Sjå filmen frå feiringa av industristaden Høyanger sitt 100 års jubileum her
Nasjonaldagen i 2020
Under koronapandemien gjennomførte vi digital feiring av nasjonaldagen, 17. mai 2020.