Prisar og moderasjon/redusert betaling for barnehage

Kostnad på barnehage-/SFO-plass skal ikkje utgjere meir enn 6 prosent av hushaldninga si inntekt. 

Alle 2-, 3-, 4- og 5- åringar har rett til 20 timar gratis opphaldstid i barnehage per veke dersom dei bur i ei hushaldning med samla brutto årsinntekt mindre enn kr. 669 050. Satsen gjeld for barnehageåret 2025 - 2026.  Ordninga gjeld frå 1. august i det året barnet fyller 2 år.

Du søkjer digitalt i føresettportalen for både barnehageplass og SFO-plass. Innlogging med id-porten. Hugs å legge ved riktig dokumentasjon. 

Du må du legge ved dokumentasjon på hushaldet sine samla inntekter. Dokumentasjonskrav er skattemelding frå siste år. Dersom skattemeldinga ikkje stemmer med dagens inntekt, må du dokumentere dette.

Inntektsgrunnlaget skal spegle dei skattepliktige inntektene. Du må dokumentere skattepliktig person- og kapitalinntekt som ikkje står på den førehandsutfylte skattemeldinga.

Dersom inntekta di er vesentlig endra sidan siste års skattemelding, må du i tillegg til skattemeldinga legge ved dokumentasjon på ny inntekt.

• dei tre siste lønnsslippane fra arbeidsgjevar. Dei må vise endring i årslønn i forhold til skattemeldinga.
• vedtak frå NAV
• studentbevis eller stadfesting på studiar

Registrerer du søknad utan tilstrekkelig dokumentasjon, blir den ikkje behandla. Du vil da få informasjon om dette. Du må registrere ny søknad og legge ved gyldig dokumentasjon.

Skattepliktige ytingar som arbeidsavklaringspengar, dagpengar, eller uføretrygd er eksempel på inntekter som reknast med i grunnlaget. Det er bruttosats som må dokumenterast.

Til dømes er barnetrygd, barnebidrag, stønad til barnetilsyn, sosialstønad og studielån  er skattefrie ytingar/overføringar som ikkje blir rekna med i inntektsgrunnlaget.

Du kan søke om redusert foreldrebetaling når barnet ditt er tildelt ein plass i barnehage og/eller SFO, og du har takka ja til plassen. 

Foreldre som søkjer, må bo på same adresse i folkeregisteret som barnet. Det er kommunen, som barnet er folkeregistret i, som behandlar søknaden din.

Du søkjer om prisreduksjon i føresettportalen både for plass i barnehage og SFO. Vedtak om redusert foreldrebetaling gjelder kun det aktuelle barnehage-/skuleåret. Er du kvalifisert for redusert foreldrebetaling, må du søkje kvart barnehage-/skuleår med ny dokumentasjon for inntekt. Eit nytt år for barnehage og skule startar 1. august.

Du kan søkje undervegs i året dersom det er vesentleg og varig endring i inntekta. Vesentleg og varig endring inneber stort inntektstap som følgje av å bli arbeidssøkjar, endring i hushaldet si samansetning eller liknande årsaker.

Har du fleire barn som begynner i barnehage/SFO i perioden vedtaket gjelder for, må du søkje også for dette barnet/desse barna.

Søknaden er gyldig frå måneden etter Høyanger kommune har motteke søknaden din med gyldig dokumentasjon. Dersom du får barnehage-/SFO-plass midt i eit barnehage-/skuleår, kan du søkje redusert betaling. 

For deg som har barn som allerede går i barnehage/SFO: 
Hugs at du må sende inn ein ny søknad om redusert foreldrebetaling for kvart barnehage-/skuleår. 

Dokumentasjon

For å kunne behandle søknaden må du legge ved nødvendig dokumentasjon på hushaldet si samla inntekt, minimum siste års skattemelding.  For meir informasjon se avsnittet “Legg ved dokumentasjon”. 

Saksbehandling

Saksbehandlingstida er tre veker I periodar med stor pågang kan du pårekne lenger saksbehandlingstid, men vedtaket er likevel gjeldande etter vanleg regelverk.

Kommunen gjer eit enkeltvedtak når vi innvilger eller avslår ein søknad om redusert foreldrebetaling. Eit enkeltvedtak følgjer reglane i forvaltningsloven og sett fast søkjaren sine rettar og plikter.

Rett til å klage

Får du avslag på søknaden, kan du klage innan ein frist på tre veker frå du mottok vedtaket.  I klagen skal du oppgi kva du ønskjer å få endra.

Klagen sender du til:
Høyanger kommune v/oppvekst

Postboks 159

6991 Høyanger

Eller digitalt via eDialog

Får du ikkje medhald i klagen, sender vi den videre til kommunen sitt klageorgan. Kommunen sitt klageorgan er formannskapet. 

Inntektsmoderasjon

Foreldrebetalinga skal maksimalt utgjøre 6 prosent av hushaldet si samla skattepliktige person- og kapitalinntekt per barn. 

Med hushald meiner vi ektefeller, registrerte partnarar og sambuarar. Bur barnet fast hos begge foreldra, skal betalinga frå foreldra vere rekna ut fra inntekta til den forelderen som har same folkeregisteradresse som barnet.

Gratis kjernetid barnehage

Kommunen gir fritak for 20 timar vekentleg frå august i det året barnet fyller 2 år og til 3-, 4- og 5-åringer i familier med en inntekt på inntil inntektsgrensa.

12 timar gratis opphaldstid i SFO for alle elevar i 1., 2. og 3. trinn

Alle elevar i 1. , 2. og 3.  trinn har rett til 12 timar gratis opphaldstid i SFO. Hos Høyanger kommune er plasstilbod for 8 og 14 timar heilt gratis. For ferietilbod er to dagar per veke gratis.  Sjå pristabell for våre tilbod. 

Dagplass/ferietilbod i skulefritidsordninga (SFO)

Ved kjøp av dagplass/ferietilbod utløyser det ikkje søskenmoderasjon. I 2018 vedtok kommunestyret ei ordning med 40 % redusert sats for dagplass. Tilbodet gjeld for hushald med samla brutto løns- og kapitalinntekt inntil 5G. 

Nasjonale retningsliner seier at gratis 12. timar opphaldstid også skal gjelde for ferietilbod. I Høyanger kommune er to dagar gratis per ferieveke, og ordninga gjeld for elevar i 1., 2. og 3. trinn.

Søskenmoderasjon

De får søskenmoderasjon på tvers av barnehage og SFO. Har du barn i både barnehage får du følgjande moderasjon:

Dersom søsken går i barnehage og/eller i SFO, skal det betalast fullt for den plassen som er dyrast.

Moderasjon gjeld for plass i barnehage og/eller plass i skulefritidsordninga (SFO):

Plass i barnehage:
barn nr 2 - 30% reduksjon i foreldrebetalinga
barn nr 3 - 50% reduksjon i foreldrebetalinga
barn nr 4 - 50% reduksjon i foreldrebetalinga

Plass i SFO:
barn nr 2 - 25% reduksjon i foreldrebetalinga
barn nr 3 - 40% reduksjon i foreldrebetalinga
barn nr 4 - 50% reduksjon i foreldrebetalinga

Det blir ikkje gitt søskenmoderasjon ved bruk av dagplass.

Du treng ikkje søkje om søskenmoderasjon. Den blir rekna automatisk. Søsken må bu i same hushald. Ordninga er ikkje basert på inntekt.

Utrekning av moderasjon

Det er lovfesta i kva rekkefølge dei ulike moderasjonane skal reknast ut. Først blir det rekna ut inntektsmoderasjon. Deretter vert det rekna ut søskenmoderasjon (grunnlag=makspris minus inntektsmoderasjon). Til slutt vert det utrekna gratis kjernetid (grunnlag= makspris minus inntektsmoderasjon minus søskenmoderasjon).

• Forvaltningsloven
• Forskrift om foreldrebetaling i barnehage
• Forskrift til opplæringslova - reduksjon i foreldrebetaling for elevar på 1. - 4. årstrinn
• Udir: Moderasjonsordningar og foreldrebetaling i SFO
• Udir: Moderasjonsordningar og foreldrebetaling i barnehage

Treng du hjelp til å søkje? 

Du kan kontakte oppvekstadministrasjon på telefonnummer: 57 71 15 64 eller 46 88 28 10, eller sentralbord/tenestetorget på telefonnummer: 57 71 15 00.

Brukarrettleiing for Visma Flyt Barnehage

Brukarrettleiing for Visma Flyt Skole