Ved store arrangement

Vi har eit ønske om mange arrangement i kommunen vår! Nokre arrangement er godt etablert, og nye er ønska velkommen. Her har vi samla informasjon du treng for å planlegge store arrangement. God kommunikasjon med kommune, politi, næring, naboar og andre er viktig. Hugs å melde arrangementet inn i god tid!

Søk om store arrangement

Arrangør skal søke dersom arrangementet skjer i eit bygg eller på eit område som vanlegvis ikkje blir brukt til denne type aktivitet, eller om ramma for arrangementet går ut over det bygget/området er tenkt brukt til. Som arrangør er du pliktig å sende søknad til politi, brannvesen og grunneigar. Dersom kommunen er grunneigar kan du sende ein samla søknad som gjeld kommunal grunn og brannvesen.

Send søknad om arrangement via politiet sine nettsider her
Søknad til grunneigar. Du må søke til kommunen dersom kommunen eig grunnen. Er du usikker på kven som er grunneigar, ta kontakt med kommunen. Søk om leige av kommunal grunn her
Søk brannvesen Brannvesenet må ha melding for å vurdere brannfaren og for å kunne fastsette nødvendige brannsikringstiltak og avgrensingar. I tillegg kan det komme eventuelle krav til ansvarleg arrangør. Hugs at i ferietid kan det ta lenger tid å få godkjent søknad, send difor søknaden i god tid og minst ein månad før gjennomføringa.

Meldinga må opplyse om:
- kven som er ansvarleg for arrangementet
- tidspunkt, stad, storleik og tema for arrangementet
- Informasjon om vakthald
- Ei kartlegging av korleis ein skal hindre uønska hendingar
- Ved å nytte eksplosive/brannfarlige gjenstander. T.d fyrverkeri eller propan, gjeld eige lovverk.
- kven som er kontaktperson under arrangementet dersom ein brann skulle oppstå
- prosedyre for evakuering og tilkomst for redningspersonell

Servering og skjenking av alkohol

Matservering

Servering av mat på festival og messe (sal og gratis)

Sal eller servering av mat på arrangementet må meldast til Mattilsynet.

Melding til Mattilsynet om kortvarig sal av mat

Kortvarig sal av pølser og kaker

På arrangement som skuleavslutning og loppemarknad eller når idrettslaget sel pølser og kaker, er det ikkje nødvendig å registrere seg hos Mattilsynet.

Nabovarsel

Økonomi

Lover og reglement

Direktoratet for sikkerhet og beredskap: Veileder for sikkerhet ved store arrangement

HMS. Miljohandboken for konserter og arrangement

Lov om vaktvirksomhet

Brann og eksplosjonsvernloven kapittel 2 § 7 vedr tiltak ved store arrangementer

Forskrift om Miljørettet helsevern, vedr støy og hygieniske forhold på arrangementet

Helsedirektoratets veileder for musikkanlegg og helse

Reglement for handel utenom fast utsalgssted (PDF, 51 kB)

Avfallshåndtering

Sperring av kommunal veg

Normalt stenger vi ikkje av gater i sentrumsområde, men ved større arrangement kan ein søke om å få sperre av veg for eit kortare tidspunkt.

Det må leggast ved skiltplan og tidspunkt for ønska avsperringsområde til melding om arrangement
Dersom søknad blir innvilga, må ein kontakte utestasjonen for avtale om lån av skilt og sperremateriell
Området/gata skal vere rydda til kommande dag, om ikkje anna er avtala

Publisert 21.07.2022 14.26

Sist endra 14.03.2023 15.27