Musikalsk forsmak i Høyanger kulturskule

Dette er eit tilbod innan førebuande musikkopplæring til elevar i 1. til 3. klassesteget. 
Her vert opplevinga av musikk vektlagt gjennom song, dans, rytme og musikkeventyr.
Vi brukar Orff-instrumenta (stavspel, klokkespel o.l.), lærer ulike rytmebilder, notar og komponerer, samt testar ulike blåseinstrument.

I tillegg opptrer vi på små og store konsertar, f.eks. til jul i Høyanger kyrkje, vårframsyning i Høyanger Samfunnshus, huskonsertar på sjukeheimane og i omsorgsboligane m.m..
Til dei større konsertane øver vi gjerne inn noko felles og lagar f.eks. barnekor. Til dei elevane som går i SFO, hugs å sei ifrå til personalet om at barnet går på musikalsk forsmak.
Då hjelper personalet barnet med å komme til rett tid.