Deling eller endring av eigedom

Deling eller endring

Eit løyve til slik endring er trinn ein i ein saksprosess der trinn to er å halde oppmålingsforretning og opprette ny eigedom/endre eigedomsgrensene. Gjennom oppmålingsforretninga får den nye eininga eit eige gards- og bruksnummer, dersom det gjeld ikkje arealoverføring. Den nye eigedomen, eller endring av denne, vert deretter registrert i det offisielle eigedomsregisteret (matrikkelen).

Ver klar over at saka kan verte omfattande dersom søknaden ikkje er i samsvar med gjeldande arealplan for området. Det må då søkast om dispensasjon frå planen eller endring av plan, før det kan gjevast løyve til deling i samsvar med pbl § 26-1.

Oppmåling av eigedom

Det er heimelshavar (eigar av eigedomen) som kan søke om oppmåling. 

Kva får du?

• Du får målt opp og merka eigedomsgrensa di, og du får sett ned offentlege grensemerke der det er mogleg.
• Du får eit matrikkelbrev (målebrev) som viser den fastsette eigedomsgrensa.

Krav til søkar

Søknaden må vere signert av eigar (heimelshavar). 

Slik søker du

Send inn bestilling som inneheld:

• Last ned skjema Søknad for frådeling og rekvisisjon av oppmålingsforretning
• Situasjonskart der du har merka grensa som skal målast opp. Kartgrunnlag finn du på kommunekart
• Lever søknaden til oss per e-post, post eller ved oppmøte

E-post: postmottak@hoyanger.kommune.no 
Postadresse: Høyanger kommune, postboks 159, 6991 Høyanger

Kva skjer vidare?

Vi tar kontakt med deg og avtaler tidspunkt for møte og oppmåling. Maksimal saksbehandlingstid er tre måneder.

Kva kostar det?

I saker som gjeld oppmåling følgjer Høyanger kommune Sogndal kommune sitt gebyrregulativ, kap. 14.4.

Prisliste