Årsrekneskap og årsmelding

Årsrekneskap og årsmelding 2025 

Rekneskap og årsmelding for 2025 er ferdigstilt.

Rekneskapen syner eit negativt netto driftsresultat, underskot, på 18,208 mill.kr. Noko som utgjer - 2,61% av kommunen sin driftsinntekter.

Resultatet er betre enn prognosane ved 2. tertialrapportering, og det er eit mindreforbruk i forhold til revidert budsjett på 11,271 mill.kr. Bruk av disposisjonsfondet er redusert tilsvarande mindreforbruket og er på 37,150 mill.kr. Saldo på fondet ved utgangen av året er på 17,541 mill.kr. Av desse er 5,165 mill.kr. allereie nytta i budsjettet for 2026.

Hovudårsaken til mindreforbruket er høgare inntekter enn budsjettert knytt til skatt og integreringstilskot. I tillegg vart resultatet bedre enn venta innan tenesteområde Helse og omsorg. 

Tabellen under viser budsjettavvik på dei ulike tenesteområda. 

Investeringsrekneskapen er gjort opp med eit udekka beløp (underskot/manglar finansiering) på 778 000 kr. Det skuldast i hovudsak meirforbruk på prosjekta Brannstasjon og Rammeløyving avløp.

Sjølv om resultatet er betre enn frykta, er det like vel eit dårleg resultat for kommunen, og det dårlegaste resultatet ein har hatt dei siste 10 åra, med unntak av 2022.

Årsmelding og årsrekneskap for kommunen skal etter kommunelova §14-3 handsamast av kommunestyret seinast 30. juni året etter. Årsmeldinga er kommunedirektøren si utgreiing om kommunen si samla verksemd gjennom året. Årsmeldinga presenterer og analyserer kommunen si utvikling på overordna nivå. Årsmeldinga skal i tillegg gi nærare forklaringar på avvik i forhold til budsjett og kommunestyret sine føresetnader. 
Årsmeldinga, og rekneskapen, er godkjent av revisjonen og skal no til kontrollutvalet (6.mai) før politisk handsaming i formannskap og kommunestyret i juni.