BIOLOGER PÅ FELTARBEID I ELVER OG INNSJØAR

Fotograf: Christian E. Pettersen

Høyanger kommune deltek saman med fleire kommunar i Sogn i eit samarbeid med fylkeskommunen og Statsforvaltaren om å undersøke fleire elver og innsjøar.

Undersøkingane vil gje svar på kva for miljøtilstand vassførekomstane våre har og gje ein peikepinn på eventuell ureining. Undersøkinga er ein del av arbeidet for at alle innsjøar, elver, kystområde og grunnvatn skal oppnå miljømål etter vassforskrifta. Det er leigd inn konsulentar som skal samle inn og analysere vassprøver og prøver av planteplankton, botndyr og begroingsalgar. Undersøkingane vil etter planen skje i perioden mai-november.

Resultata frå undersøkingane vil bli gjort tilgjengelege på nettsida vannportalen.no i løpet av våren 2024. De kan også få tilgang til resultata på Vann-nett.no, der de og finn informasjon om andre miljøundersøkingar, tiltak, m.m. for dei elvene og innsjøane de er interesserte i.

Følgjande elver og innsjøar i Ytre Sogn vassområde inngår i arbeidet i 2023:
Kommune	Namn vassførekomst Vann-nett	ID vassførekomst Vann-nett	Ev. anna namn
Høyanger	Stordalsvatn	067-2129-L
Gulen	Randalselva	068-77-R
Gulen	Risnesfjorden aust	069-61-R	Elv ved Asheim
Gulen	Steinsvatnet	067-97-R
Hyllestad	Skifjorden	082-13-R	Elv frå Seljevollstjørna
Hyllestad	Stigestrandsvatnet	080-28853-L
Hyllestad	Espelandsvatnet	080-1625-L
Vik	Skjelingavatnet	070-1465-L
Vik	Tilløpselver Hopra nedre	070-94-R	Bekk ved Brekke (Øygardsgrovi)

Vannportalen.no

Vann-nett.no/portal

Publisert 05.06.2023 13.46

Sist endra 27.06.2023 09.18