Eigenberedskapsveka 2025 – Finn ut kven du kan hjelpe og kven som kan hjelpe deg!

Glenn Rokeberg/DSB

I veke 44 blir eigenberedskapsveka 2025 arrangert over heile landet. Målet er å auke medvitet og kunnskapen om eigenberedskap, slik at fleire gjer eigne førebuingar. Det gjør både deg og lokalsamfunnet betre rusta til å handtere kriser og hendingar som kan oppstå, som til dømes langvarige straumbrot, slik fleire nyleg opplevde under ekstremvêret Amy.

Årets tema er felles eigenberedskap – beredskapsvenn.

Samarbeid om beredskap

Ein treng ikkje gjere alt åleine. Det kan vere klokt å gjere avtale om å samarbeide med venner, familie eller naboar om eigenberedskap.  Som beredskapsvenner kan de støtte kvarandre på mange måtar.

På dsb.no/egenberedskap finn du mange gode tips til korleis du kan styrkje di eiga beredskap.