Fjerning av køyretøy (borttauing)

Høyanger kommune

Når kan køyretøy bli fjerna?

Køyretøy kan bli fjerna dersom det til dømes:

• hindrar trafikk eller utrykkingskøyretøy
• skapar trafikkfarleg situasjon
• er parkert i strid med skilt eller trafikkreglar
• hindrar brøyting eller anna drift og vedlikehald
• er etterlate over lengre tid i strid med regelverket
   

Fjerning skjer med heimel i vegtrafikkloven § 37, samt Forskrift om tildeling av fjerningsmyndigheit etter vegtrafikkloven.
 

Oppbevaring og prisar

Borttaua køyretøy vert oppbevart hjå Høyanger miljøstasjon SIMAS, Vadheim. For å få utlevert køyretøyet må eigar betale dei faktiske kostnadene knytte til fjerning og oppbevaring. Kostnadene skal betalast på førehand. Køyretøyet vert ikkje utlevert før betaling er registrert.

Pris for borttauing:

Kr 5 500 + mva for køyretøy opp til 3 500 kg. 

Forbehold om fri tilkomst til køyretøyet. Eventuelle tilleggskostnader kan kome dersom det er særlege forhold ved fjerninga. 
 

Dersom køyretøyet ikkje blir henta

Dersom køyretøyet ikkje blir henta innan 3 månader etter at eigar er varsla, kan det bli selt i samsvar med vegtrafikkloven § 37.
 

Klage på vedtak om fjerning

Fjerning av køyretøy er eit enkeltvedtak etter forvaltningslova. Du kan klage innan 3 veker frå du mottok vedtaket. Klage skal sendast til Høyanger kommune.
 

Kontaktinformasjon

Har du spørsmål om borttauing av køyretøy, ta kontakt med Geir Øyvind Hovlandsdal