No får alle i Høyanger gratis tilgang til eventyr på 22 språk!
Høyanger bibliotek har skaffa tilgang til den digitale tenesta Lesekroken.no. Det betyr at alle barnefamiliar, barnehagar, skular og andre innbyggjarar i Høyanger kommune no kan utforske eventyr, barnesongar og spel på sitt eige morsmål – heilt gratis, heile døgnet.

Lesekroken.no er ein norsk kulturarvskatt som i år feirar sitt 10-årsjubileum. Tenesta er skreddarsydd for å engasjere barn og minoritetsspråklege, og fungerer som ein viktig brubyggjar for inkludering og leseglede i lokalsamfunnet vårt.
Kva finn du på Lesekroken.no?
På nettsida – eller i den gratis appen for iOS og Android – kan både store og små dykke ned i ei verd av:
- Eventyr på 22 ulike morsmål
- Tospråklege bøker og eventyrkino
- Barnesongar, spel og «leik og lær»-videoar
I tillegg til å gi barna opplevingar på eige morsmål, gir plattforma òg enkel tilgang til informasjon og lenkjer til Høyanger bibliotek sine eigne tilbod og arrangement.
Slik kjem du i gang
Som innbyggjar i Høyanger har du fri tilgang til tenesta 24 timar i døgnet, utan avgrensingar. Alt du treng er biblioteket sitt eige publikumspassord.
- Nettside og app: Gå inn på lesekroken.no eller last ned appen «Lesekroken» på telefon eller nettbrett.
- Innlogging: Kom innom oss i biblioteket å få passordet. Eller logg deg inn via Høyanger, på siden til lesekroken.
Velkomen inn i eventyrverda – på ditt og mitt språk!
Publisert 17.11.2026 12:11
Sist endra 17.11.2026 12:13