Ny rapport - Miljøstatus Sæbøtjørna

God vasskvalitet, men utfordringar i botn

Høyanger kommune

Undersøkingane vart i hovedsak utført i mai 2025, og omfattar vassprøver, sedimentprøver, naturkartlegging og undervassfilming. Resultata viser at sjølve vatnet i Sæbøtjørna held god kvalitet og tilfredsstiller krav til badevatn både etter EU-direktiv og norske normer.

Samtidig er det funne miljøgifter i botnsedimenta – som sink, PFOS, PCB og PAH – særleg i den nordre delen av tjernet. Dette utgjer ein økologisk risiko, og det kan ikkje utelukkast at fisk i vatnet inneheld stoff som kan vere helseskadelege.

Tilrådde tiltak for vidare bruk

Norconsult kjem med fleire tilrådingar for vidare vurdering og eventuell tilrettelegging av området som frilufts- og badeplass. Mellom anna: 

 

• Rydding av avfall både på land og i vatnet
• Miljøanalysar av fisk for å vurdere helserisiko
• Kartlegging av gamle avfallsmassar i området
   

Rapporten gir eit oversyn over undersøkingane og vurderingane som er gjort, du kan lese han her:
Miljøstatus Sæbøtjørna.pdf (PDF, 10 MB)

Sæbøtjørna har potensial som nærfriluftsområde, og kommunen vil bruke rapporten som grunnlag for vidare vurderingar.