Nye dagsturhyttebøker for Sogn og Fjordane

Etter stor etterspurnad er dagsturhytteboka komen i nytt opplag. Boka inneheld oversikt og turinformasjon om dei 29 dagsturhyttene i regionen. Totalt er det no trykt 21 000 eksemplar av boka.

– Dagsturhyttene har blitt eit viktig folkehelsetiltak, og det er kjekt at interessa framleis er stor, seier Hallvard Klakegg i Sparebankstiftinga Sogn og Fjordane.

Både denne og Hordaland – boka er tilgjengeleg for publikum på følgjande fylkeskommunale lokasjonar;

• Vestlandhuset i Lars Hilles gate i Bergen
• Storehagen Atrium i Storehagen 1 B i Førde
• Fylkeshuset på Leikanger, Askedalen 2 på Leikanger

I tillegg i Sparebank 1 sine lokaler i Førde og etterkvart i Bergen.