Politiske råd og utval i Høyanger kommune

Ansvarsområde

Kommunestyret er det øvste, styrande organ i kommunen. Kommunestyret handlar på vegne av kommunen i alle saker som ikkje er delegert til andre kommunale organ. Kommunestyret fører tilsyn med kommunen si samla verksemd, vedtek budsjett og ønonomiplan, vel medlemmer til formannskap, utval, styrer og råd. 

Møte 

Kommunestyret har møte seks gongar i året. Ordføraren kallar inn til møte. Kommunestyremøta er opne for publikum. Du kan du sjå møta direkte eller som opptak på heimesida vår.  

Møteplan og kontaktinformasjon 

Samansetting

Høyanger kommune har 21 representantar i kommunestyret. 

Her ser du kven som er valde inn i kommunestyret (PDF, 73 kB) (PDF, 96 kB)

Ansvarsområde

Formannskapet har ansvaret for den overordna økonomiske planlegginga i Høyanger kommune og skal utarbeide årsbudsjett og økonomiplan. Formannskapet har ansvar for økonomiske strategiar, reglement o.l. for den økonomiske forvaltninga i kommunen og er økonomiutval, likestillingsutval, fast utval for handsaming av plansaker og valstyre. I tillegg har formannskapet følgande ansvarsområde: 

• tverrsektorielt interkommunalt samarbeid og kontakt
• overordna leiing og samordning av den kommunale verksemda
• Kommuneplanlegging (kommuneplanen sin samfunns- og arealdel), arealplanlegging og andre saker etter plan- og bygningslova, med unntak av kommunedelplanar og fagplanar som vert behandla av utvala
• Kommunen si klagenemnd for klager på planvedtak etter reglane i plan- og bygningslova, før ev. oversending til Statsforvaltaren
• Sivilt beredskap  
• ta avgjerd i saker som kommunestyret har gitt formannskapet fullmakt til å avgjere
• Klagenemnd for saker som kjem som følgje av administrative vedtak 
• Andre saker som naturleg ikkje høyrer under hovudutvala sine ansvarsområde
• Delegere avgjerdsmakt til administrasjonssjefen etter reglane i § 13-1 i kommunelova
   

Møteplan og kontaktinformasjon

Leiarskap

Petter Sortland (AP) er ordførar og leiar av formannskapet.
Geir Helge Østerbø (SP) er varaordførar og nestleiar av formannskapet.

Samansetting

Formannskapet har 5 medlemmer. 

Medlemmer og varamedlemmer (PDF, 19 (PDF, 35 kB)

Ansvarsområde

Utvalet for helse og omsorg har ansvar for saker knytt til:
- Pleie og omsorg
- Fysikalskmedisin og (re) habilitering
- Allmenn—og samfunnsmedisin
- Psykisk helsevern og rus
- andre saker som fell naturleg under Tenesteområde helse og omsorg 

Møteplan og kontaktinformasjon

Leiarskap

Frode Merkesvik (AP) er leiar av utvalet.
Wenche Kristin Røkenes (AP) er nestleiar av utvalet.

Samansetting

Utval for helse og omsorg har 5 medlemmer. 

Ansvarsområde

Utvalet for oppvekst har ansvar for saker knytt til:
- Bamehagar
- Grunnskular
- Kulturskule
- PPT – Pedagogisk Psykologisk Teneste
- Norskopplæring
- Barnevern
- andre saker som fell naturleg under Tenesteområde oppvekst 

 Møteplan og kontaktinformasjon

Leiarskap

Hege Rusti (AP) er leiar av utvalet.
Leif Arne Fureli (SP) er nestleiar av utvalet.

Samansetting

Utval for oppvekst har 5 medlemmer. 

Ansvarsområde

Utval for Samfunn har ansvar for saker knytt til:
- Bygg og eigedom
- Kommunaltekniske saker
- Beredskap og førebygging (det som ikkje fell inn under formannskapet sitt ansvar)
- NAV
- Kultursaker som bibliotek, kino, museum, galleri, fritidstilbod til barn og unge og lag og organisasjonar
- Integrering
- Kino
- Høyanger arbeids- og aktivitetssenter
- Frivilligsentral
- Folkehelse
- andre saker som fell naturleg under Tenesteområde Samfunn

 Møteplan og kontaktinformasjon

Leiarskap

Monica Oppedal (AP) er leiar av utvalet.
Jonas Haugsbø (SP) er nestleiar av utvalet.

Samansetting

Utval for Samfunn har 5 medlemmer. 

Ansvarsområde

Kontrollutvalet fører tilsyn med den kommunale forvaltninga på vegne av kommunestyret. Kontrollutvalet har mellom anna følgande oppgåver:

• Sjå til at kommunen sine rekneskap blir revidert på ein trygg måte.
• Føre kontroll med at den økonomiske forvaltninga er i samsvar med gjeldande føresegner og vedtak.
• Syte for at det blir gjennomført forvaltningsrevisjon av kommunen si verksemd, og av selskap kommunen har eigarinteresser i.
• Syte for kontroll med forvaltninga av kommunen sine eigarinteresser i selskap mv. (eigarskapskontroll).
• Sjå til at kommunestyret sine vedtak om revisjonsrapportar vert følgde opp.

Møteplan og kontaktinformasjon

Leiarskap

Astrid Refsdahl (SV) er leiar av kontrollutvalet.
Torill Thorbjørnsen er nestleiar av kontrollutvalet.

Samansetting

Kontrollutvalet har 5 medlemmer, med personlege varamedlemmer. 

Ansvarsområde

Partsamansett utval har ansvar for dei oppgåvene som gjeld tilhøvet mellom dei tilsette og kommunen som arbeidsgjevar, og som ikkje er lagt til andre organ, jf. § 5-11 i kommunelova og del B § 4 i Hovudavtalen.

Partsamansett utval skal mellom anna fastsette lønsvilkår for kommunedirektøren.

Møteplan og kontaktinformasjon

Leiarskap

Petter Sortland  (AP) er leiar av utvalet.
Geir helge Østerbø (SP) er nestleiar av utvalet.

Samansetting

Partsamansett utval har 7 medlemmer, fem valde av kommunestyret for fire år og to valde av arbeidstakarorganisasjonane for to år.  

Ansvarsområde

Eldrerådet skal bidra til at eldre i Høyanger kommune får open, brei og tilgjengeleg medverknad i arbeidet med saker som gjeld for eldre og arbeide for å betre dei eldre sine levekår for å gi eldre ein trygg og innhaldsrik alderdom.
 

Møteplan og kontaktinformasjon

Leiarskap

Leiar: Dagrun Digranes 
Nestleiar: Asbjørn Grande 

Samansetting

Rådet har fire medlemmer og desse blir valde av kommunestyret etter innspel frå pensjonistlaga i kommunen.  

Ansvarsområde

Ungdomsrådet skal bidra til at ungdom i Høyanger kommune får open, brei og tilgjengeleg medverknad i arbeidet med saker som gjeld for ungdom.

Ungdomsrådet delar ut tilskotsmidlar til aktivitet og tiltak for barn og ungdom, sjå meir informasjon om ordninga.

Møteplan og saksdokument

Leiarskap

Leiar: Helene Longfellow
Nestleiar: Samuel H. Solvorn  

Samansetting

Ungdomsrådet har 8 medlemmer, som blir valde for to år. Rådet er samansett av 2 representantar frå kvar skule med ungdomstrinn og vidaregåande skule. 

Ansvarsområde

Råd for menneske med nedsett funksjonsevne skal arbeide for at menneske med nedsett funksjonsevne vert sikra open, brei og tilgjengeleg medverknad i arbeidet med saker som gjeld for menneske med nedsett funksjonsevne og medverke til at menneske med nedsett funksjonsevne får tilgang til tenester og informasjon som er nødvendig for å kunne fungere best mogleg i kvardagen.

Møteplan og kontaktinformasjon

Leiarskap

Leiar: Martin Dåvøy Forfod
Nestleiar: Monica Sæle   
 

Samansetting

Rådet har fire medlemmer, som kommunestyre vel etter innspel frå brukarorganisasjonar.