Manntal og stemmerett

Du har stemmerett ved kommunestyre- og fylkestingsvalet dersom du oppfyller eitt av desse krava: 

• Du er norsk statsborgar og har fylt 18 år innan utgangen av 2023 og er, eller har vore registrert busett i Noreg
• Du er statsborgar i Danmark, Finland, Island eller Sverige, har fylt 18 år innan utgangen av 2023, og er registrert i folkeregisteret som busett i Noreg seinast 30. juni 2023
• Du er ikkje norsk statsborgar, men har vore registrert i folkeregisteret som busett i Noreg dei tre siste åra før valdagen og har fylt 18 år innan utgangen av 2023.
   

Manntalet er ei oversikt over kven som har stemmerett i kommunen. 

Manntalet vert oppdatert av Folkeregisteret og du vert automatisk ført inn i manntalet i den kommunen du er folkeregistrert som busett i per 30. juni 2023.

Du kan førehandsstemme i kva kommune som helst, men skal du stemme på valdagen måndag 11. september må du gjere det i eit vallokale i kommunen du er manntalsført i.

Manntalet for Høyanger kommune er lagt ut til offentleg ettersyn på Høyanger rådhus, resepsjonen, som har opningstid måndag – fredag  kl 08:00 – 15:00.
 

Skal du flytte? 
Flytter du til ein annan kommune må du melde flytting til folkeregisteret innan 30. juni for å bli ført inn i manntalet i den nye kommunen. Flyttar du til ein annan kommune etter denne datoen står du i manntalet i kommunen du flyttar frå.
 

Bur du i utlandet?

Dersom du bur i utlandet, men har vore folkeregistrert som busett i Noreg i løpet av dei siste 10 åra, blir du automatisk ført inn i manntalet i kommunen du var registrert som busett i då du flytta frå Noreg.

Dersom du ikkje har vore registrert busett i Noreg dei siste 10 åra, må du søke om innføring i manntalet. Du søker ved å skrive under på omslagskonvolutten som vert nytta ved førehandsstemmegivinga utanriks. Ved førehandsstemming i Høyanger kommune nyttar vi eit eige søknadsskjema for innføring i manntalet, som du fyller ut og som følger stemmegivinga. 

Dersom du meiner at du sjølv eller andre uriktig er blitt innført i eller utelatt frå manntalet, kan du kreve at feilen vert retta. Krav om retting gjeld feil, og ikkje flyttingar etter 30. juni 2023. Det er ikkje adgang til å oppdatere manntalet på grunnlag av at nokon flyttar etter 30. juni. Opplysningar i folkeregisteret er avgjerande og definerer kor røysteføre personar var busett den 30. juni i valåret. 

Krav om retting skal vere skriftleg og grunngjeve, og sendast til:

• Valstyret i Høyanger kommune, Postboks 159, 691 Høyanger  
• eller postmottak@hoyanger.kommune.no