Kommunen har ansvar for det kommunale vegnettet med tilhøyrande gang- og sykkelvegar. Vegane skal vere opne for trafikk til ei kvar tid, men standarden kan variere i døgnet, då kommunen ikkje har nattbrøyting.
Meld i frå
Meldingar til Høyanger kommune går til teknisk vakt på mobil 992 19 401.
Brøyting på kommunale vegar startar når det er ca. 10 cm snø i vegbana. Kommunen er delt i mange brøyteroder, der snøryddinga er delt mellom kommunen og nokre private som er innleigd av kommunen.
Sandstrøing vert utført etter behov.
Strøsand
Høyanger kommune vil også i vinter førebyggje ulykker blant eldre med å dele ut gratis strøsand. Målgruppa er dei som er 67 år eller eldre, men uføre vil også kunne bli omfatta av denne ordninga (særskilt vurdering i kvart tilfelle).
Strøsanden må hentast ved utestasjonen i Høyanger (ta med bøtte). I særskilte tilfelle kan Høyanger kommune levere bøtte med sand direkte på døra til folk som ikkje er i stand til å hente sjølv. Dette må i tilfelle avklarast med Helse og omsorg.
Eldre og uføre i Lavik og Vadheim kan hente sand ved utestasjonen i Vadheim, ta evt. kontakt med utestasjonen.
Snø i innkøyrsle
Brøytekanten som naturleg vert når brøytebil passerar din eigedom, vert ikkje rydda vekk av kommunen. Snø i innkjørsla/ tilkomst må eigar av eigedomen sjølv fjerne, jamfør veglova.
Publisert 11.07.2022 15.13
Sist endra 11.08.2022 14.17