Kven er dei frivillige?
Dei frivillige utfører frivillig arbeid. International Labor Organization (ILO) definerer frivillig arbeid som: ikkje-obligatorisk arbeid, det vil seie den tida ein person brukar på å utføre ein eller fleire aktivitetar - anten gjennom ein organisasjon, eller direkte overfor andre utanfor eiga hushaldning - utan å ta betalt. I tillegg vert det vektlagt at tenesta eller aktiviteten må vere til fordel for samfunnet, miljøet, eller andre enn nære slektningar eller personar som kan reknast til eiga hushaldning. Ein frivillig organisasjon er ei samanslutning av personar eller einingar som driv verksemd på ikkje-fortenestebasis og ikkje-offentleg basis, jf. frivillighetsregisterlova § 3 og § 4. Ein frivillig organisasjon baserer ein vesentleg del av drifta på medlemskontingentar, gåver, innsamla midlar og/eller frivillig arbeidsinnsats. Ein frivillig organisasjon kan vere lag, foreining, stiftelse, ideelt aksjeselskap, forbund, nettverk eller ein paraplyorganisasjon.
I Høyanger kommune er det om lag 100 frivillige lag og organisasjonar. Desse er innanfor kategoriane idrett/friluftsliv, song/musikk/ kunst/ historieformidling, 4H/speidar/ungdomslag, humanitært arbeid, helse, hobby/husflid, politikk, fagforeining, natur/klima/miljø, beredskap, forsamlingslokale, nærmiljø/bygdeutvikling, skyttarlag, tru/livssyn, grunneigarlag, interesseorganisasjon m.fl.
Høyanger kommune gjennomførte ein kafédialog den 5. desember i Høyanger samfunnshus etter mal frå frivillighet Norge si nettside Eksempel på gjennomføring av en kafédialog — Knekk Samhandlingskoden.
Oppsummering frå kafedialogen i Høyanger
Her kjem ei oppsummering av hovudinnspel som vert teke med for vidare arbeid med utforming av Frivilligpolitisk plattform for Høyanger kommune.
Spørsmål 1:Utfordringar
Har din organisasjon nokre konkrete utfordringar som hindrar dykk i å tilby enda meir eller fleire aktivitetar enn det de gjer i dag?
Gruppe 1
• Få eldsjeler, dei same dreg lasset kvar gong
• Dei som har eigne lokaler\hus brukar mykje tid og ressursar på vedlikehald og utleige
• Aldrande befolkning, lite engasjement frå dei yngre
Gruppe 2
• Synkande elevtal og innbyggarar i kommunen
• Fasilitetar, lager og anlegg
• Tilbod i kulturskulen og barn og unge er sentralisert
Gruppe 3
• Rekruttering/aktive medlemmer
• Økonomi
• Lågt barnetal – kjempa om dei same ungane
Gruppe 4
• Samarbeid internt i eige lag og samarbeid med andre lag
• Økonomi i eige lag, privat økonomi
• Rekruttering til styreverv
Gruppe 5
• Kompetanse og rekruttering samt økonomi
• Vedlikehald og oppgradering av eksisterande lokalitetar
• Ønske om eigna kulturhus og idrettsanlegg – sambrukshus
Spørsmål 2: Kommunen som tilretteleggjar
Korleis kan kommunen konkret legge tilrette for at de kan tilby meir eller fleire aktivitetar i ditt lag eller foreining?
Gruppe 1
• Aktivitetskalender slik dei har i Sunnfjord med eiga pålogging for laga, slik at ikkje aktivitetane\arrangementa kolliderer
• Kompetansetilgang, kan nyttast på tvers, mellom laga og til kommunen eller frå kommunen
• Gjere det lett tilgjengeleg med å finne støtteordningar for dei som treng økonomisk hjelp
Gruppe 2
• Lokalitet og vedlikehald
• Marknadsføringstøtte
• Langsiktig planlegging i kommunen- kultur og idrett meir på dagsorden
Gruppe 3
• Økonomisk støtte/tilskot – oversikt over stønadsordningar – tilskotsportal
• Samarbeid
• Aktivitetskalender
Gruppe 4
• Kalender for aktivitet informasjon (foreningsportalen - tilskotsportal)
• Bedre økonomi
• Kommunen vere behjelpelig med å holde kostnadene nede
Gruppe 5
• Ressursar og eigna lokale
• Eldre som ressurs
• Inkludering
Spørsmål 3: Ressursar
Kva slags kunnskap, utstyr eller frivillig innsats, trur du at di foreining kan bidra meir med, dersom de skulle ha eit tettare samarbeid med kommunen (t.d. i eit partnarskap, eller gjensidig forpliktande avtale, etc.)?
Gruppe 1
• Søke ulike midlar saman med kommunen, der kommunen ikkje kan søke
• Bruke laga meir ved marknadsføring av kommunen vi bur i, inkludering, trivsel, attraktiv plass å bu
• Meir frivillig innsats på merkedagar i lokalmiljøa
Gruppe 2
• Dele på instruktør og kompetanse
• Dugnad inn i kommunale tilbod (basseng, ungdomsklubb, idrettshall)
• Frivillige meir inn i barnehage og skule
Gruppe 3
• Korleis fange opp dei som treng det? Lage eit system
• Inkludering
• Lågterskeltilbod
Gruppe 4
• Inkludering
• Nabohjelp
• Kommunen kunne kjøpt dugnadshjelp frå oss
Gruppe 5
• Oversikt over tilboda i dei ulike bygdene
• Open dag/aktivitetsdag/bli kjent -sosiale møteplassar
• Fleire lag er villige til å gjere dugnadsarbeid eller arbeid mot honorar for kommunen - dele på kompetanse
Spørsmål 4 – kontaktpunkt mellom foreiningane og kommunen og internt mellom foreiningane
Kva faste kontaktpunkt, møter eller annan form for dialog bør kommunen legge til rette for gjennom året, for å styrke samarbeidet:
Gruppe 1
• Faste møter kvart år for lag på tvers i kommunen -digitale møter så heile kommunen kan delta
• Digital plattform\aktivitetskalender\samkøyring av aktivitetar
• Kontaktperson og tydelege ansvar ved felles arrangement i bygdene og i Høyanger sentrum, kven står for kva?
Gruppe 2
• Frivilligforum
• Felles arrangement på tvers av dei ulike kulturtilboda
• Kontaktperson i kommunen
Gruppe 3
• Fellesmøter mellom alle organisasjonar- bli kjent med kvarandre- kva driv vi med
• Ved ulike arrangement: invitere lag og org. med i plan og gjennomføring
• Ein koordinator som lag og organisasjonar kan kontakte – frivilligkoordinator
Gruppe 4
• Digital plattform årshjul/kalender/aktivitetsoversikt
• Deltaking frå kommuneadministrasjonen der dei ulike aktivitetane er - frivillighetsdagar/messe/torgdagar/arr.
• Fast kontaktperson og råd for frivillighet - faste dialogmøter gjennom året
Gruppe 5
• Aktivitetskalender
• Treffpunkt og samarbeidsmøte i vårhalvåret for lag og organisasjonar for koordinering av aktivitetar og planlegge neste skuleår
• Ulike lag møtast på våren for å planlegge neste skuleår