Formålet med SEFRAK-registeret
SEFRAK-registeret er først og fremst eit generelt kulturhistorisk register som særleg har verdi som kjeldemateriale for den lokale historia. Registeret vert også nytta av forvaltninga i det kommunale planarbeidet.
Er eit SEFRAK- bygg eit freda bygg?
Kva betyr det eigentlig at huset/ bygget er SEFRAK registrert? Kan huset vere eit kulturminne sjølv om det ikkje er registrert og motsatt, og er huset freda om det er? Bygningane i SEFRAK-registeret er i utgangspunktet ikkje tillagt spesielle restriksjonar. Registreringa fungerar meir som eit varsko om at kommunen bør ta ei vurdering av verneverdien før det eventuelt blir gitt løyve til å endre, flytte eller rive bygningen.
Så i motsetnad til kva mange trur så betyr ei SEFRAK-registrering ikkje aleine at huset/ bygget er verna eller freda.
Ei SEFRAK-registrering avgjør heller ikkje om bygningen er eit kulturminne. Det er fleire bygningar utan SEFRAK-registrering som kan ha ein verneverdi og i høgste grad vere eit kulturminne. Med kulturminne meinast alle spor etter menneskeleg virksomheit i vårt fysiske miljø som lokaliteter det knyttar seg historiske hendingar, tru eller tradisjon til.
Er mitt hus/ min bygning SEFRAK-registrert?
Du kan klikke på knappen under og sjå ei oversikt i kart over alle SEFRAK-registrerte bygningar i Noreg. Forstørr deg inn til ønska område.
Kart over SEFRAK-registrerte bygningar
Kva betyr dette for meg?
For meldepliktige bygningar (bygningar som er eldre enn 1850), er det lovfesta i §25 i Kulturminnelova at ei vurdering av verneverdien MÅ gjerast før søknad om endring eller rivning kan bli godkjent.
Saksgang for endring på meldepliktig bygning:
- Eigar må søke kommunen om alle endringar på bygningen.
- Kommunen sender søknaden til fylkeskommunen som skal uttale seg om søknaden FØR kommunen fatter vedtak.
- Kommunen skal melde alle endringar på bygninga til fylkeskommunen.
Kommunen kan gi løyve til riving sjølv om kulturminnemyndigheitene i fylkeskommunen tilrår at bygget bør vernast.
Bygningar etter 1850 er ikkje omfatta av Kulturminnelova, men kommunen gjer ei vurdering av verneverdien før søknad om endring eller riving kan bli godkjent.