Drøymer du om å vakne opp til storslått fjordutsikt og fredfulle, landlege omgjevnader? På Nessane i Høyanger kommune finn du attraktive bustadtomter som kan gjere draumen til røyndom. Kanskje er det her jakta på det gode livet tek til?
Tomteinformasjon
På Nessane har kommunen tre bustadtomter med ferdig tilrettelagt infrastruktur, inkludert veg, vatn og avløp til svært konkurransedyktige prisar. Tomtene varierer i storleik frå ca. 700 til 900 m² med ei ei prisantydning på 100.000 kr.
Vær merksam på at det i tillegg kjem dokumentavgift (2,5 % av kjøpesum) og tinglysningsgebyr.
For tomt nr. 2 og 3 må det reknast kostnadar for oppmåling.
Avstandar og pendlemoglegheiter
Nessane ligg nesten så langt aust som du kjem i Høyanger kommune, men det betyr ikkje at er lang veg til viktige transportknutepunkt, handel og offentlege tenester.
- 19 km til kommunesenteret Høyanger
- 26 km til hurtigbåtkai på Nordeide her i frå er det ca. 3 timer til Bergen.
- 70 km næraste flyplass Bringeland
- 75 km til regionbyen Førde eller 73 km (+ 10 min med ferje) til regionsenteret i Sogn Sogndal.
- 40 km til trafikknutepunktet Vadheim. Her er det svært gode bussforbindelsar. Frå Vadheim tek du deg til Bergen på ca. 2.5 timar med buss.
Friluftsliv og aktivitetar
For friluftsentusiastar er Nessane eit paradis, med utallige turmoglegheiter. Turstiane ligg rett utanfor døra, og du kan velje mellom lette rusleturar og meir krevjande toppturar med storslått utsikt over fjord og fjell. På Nessane finst det også ulike lag og organisasjonar som tilbyr lokale aktivitetar heile året. Oppdatert informasjon om lokale tilbod og aktiviteter finn du på Friskus.
Ta kontakt
Ta kontakt med oss for meir informasjon, eller bli med på ei uforpliktande visning! Her får du moglegheita til å utforske tomtene, stille spørsmål og bli betre kjend med området.
Relevante lenker:
Reguleringsplan og føresegner
Husbanken
Startlån til bustad