Planprosess

Planinitiativ

Planinitiativet sitt viktigaste funksjon er å starte dialogen om reguleringsplanen mellom forslagsstillar (planfremjar) og kommunen ved å samtale ikring kva som tenkast realisert og kvar dette ønskast gjennomført.

Før planarbeidet startar opp må forslagsstillar ta kontakt med eininga for plan og forvaltning og avtale eit oppstartsmøte.

Skjema for tinging av oppstartsmøte (DOCX, 23 kB)

I oppstartsmøtet gir kommunen rettleiing og føringar for det vidare planarbeidet. Sakshandsamar kallar inn til møte og skriv referat.

Føremålet med møtet er at kommunen vert informert om planlagt innhald og avgrensing av reguleringsplan, og at kommunen kan avklare plansituasjonen for området, kva krav til ny planlegging som vil bli utløyst, og korleis kommunen kan hjelpe til med planarbeidet. Vidare skal det avklarast om planforslaget utløyser krav om konsekvensutgreiing og planprogram.

Forslagsstillar skal varsle oppstart av planarbeidet. Dette skal gjerast ved kunngjering i avis og gjennom elektronisk media på kommunen si heimeside, samt ved utsending til aktuelle høyringsinstansar og berørte partar som grunneigarar og naboar. Naboliste får du av kommunen.

Kunngjeringa skal kort opplyse om:

• Kva kommune planarbeidet gjeld
• Kva område (areal) planarbeidet omfattar med kartutsnitt
• Føremål med planen
• Om planarbeidet utløyser krav om konsekvensutgreiing.
• Frist for innspel til planoppstart og evt. opplysning om eventuelle informasjonsmøter
• Adresse og telefonnummer til kontaktperson

Forslagsstillar utarbeidar eit planforslag på bakgrunn av rammer og føringar frå kommunen, og innspel til planarbeidet som har kome gjennom varslinga av oppstart. Dette er no eit konkret forslag til reguleringsplan. Forslaget skal innehalde som minimum ei planomtale og eit plankart med tilhøyrande føresegner. Planforslaget vert sendt til kommunen som går gjennom det innsendte materialet ved å fylle ut ein mottakskontroll. Dette er eit skjema for tilbakemeldingar om noko er uklart eller ved feil og manglar som må rettast på før politisk handsaming. 

Det er normalt med endringar i planframlegget etter denne innspelsperioden, og eventuelt ytterlegare dokumentasjon. Plankonsulent svarar på merknader og gjer eventuelle rettingar i planen for den kan sendast til førsta gongs handsaming. Sakshandsamar førebur plansaka og vert handsama politisk av Planutvalet i Høyanger kommune. Planframlegget vert anten lagt ut på høyring, bearbeidd eller avvist.

Når planframlegget er vedteken skal den kunngjerast ved å leggast til høyring og offentleg ettersyn for innspel og merknader. På same måte som ved varsel om oppstart skal det kunngjerast i avis og gjennom elektronisk media på kommunen si heimeside, samt ved utsending til aktuelle høyringsinstansar og berørte partar som grunneigarar og naboar.

Høyringsperioden er på minimum 6 veker.

Planen vert endeleg vedteken i kommunestyret og er då rettsleg gjeldane. Vedtaket vert kunngjort med ein klagefrist på 3 veker.

Ein part eller ein anna som har rettslig klageinteresse kan klage på vedtaket. Kommunen skal vurdere om vilkåra for å handsame klagen er oppfylt etter forvaltingslova kap. VI og plan -og bygningslova § 1-9.  

Klagerett (PDF, 446 kB)