Besøk av studentar frå Høgskulen i Vestland

Onsdag 6. mars fekk Høyanger kommune besøk av 41 studentar  frå Høgskulen i Vestland, avdeling Sogndal. 

Dette var studentar frå studieretningane Landskapsplanlegging og Fornybar energi, som saman tek faget Landskapsinngrep.

Studentane fekk plass i kommunestyresalen og møtte ordførar Petter Sortland, einingsleiar for plan, prosjekt og forvaltning Synne Vefring og arealplanleggar Janne Kristin Bøyum. 

Dei fekk ei innføring av ordføraren i korleis det til tider kan vere særs krevjande for ordførar og andre politikarar å ta stilling til saker som krev store landskapsinngrep. Det er fleire interesser som skal ivaretakast, fleire som skal høyrast og mykje informasjon og dokumentasjon som ligg ved. Snøheia vart brukt som døme på komplisert sak.

Ellers fekk studentane presentert litt om korleis planprosessar føregår i det offentlege og om den kommande nye arealdelen til kommuneplanen vår.  Det var ein kjekk gjeng som stilte fleire gode spørsmål!

Vi hadde lunsj saman og tok ei synfaring i Dalen, der dei fekk sjå landskapsinngrep i praksis ved etablering av ny kraftstasjon, transformatorar, høgspentlinjer og anleggsvegar.

Nokre studentar sikra seg gode oversiktsbileter til oppgåva dei skal til med ved å ta turen opp nokre hundre trappetrinn! 

Vi ønsker dei lukke til med vidare studier, og ønsker dei velkommen tilbake ved seinare høve!

Klikk for stort bilete
Klikk for stort bilete
Klikk for stort bilete
Klikk for stort bilete
Klikk for stort bilete
Publisert 12.03.2024 11.22
Sist endra 12.03.2024 11.22

Merksemd til dei som tok fagbrev i i 2022

Tilsette som tok fagbrev i 2022 vart heidra under ei markering torsdag 8. desember 2022.  Desse tok fagbrev i 2022: Åshild Osland, Anny Malene Mjell, Ida Espe (ikkje tilstades). 

Offentleg søkarliste - stilling som kommunalsjef Samfunn

Vi har motteke seks søknader til stilling som kommunalsjef Samfunn, her er den offentlege søkarlista:

Oppfriskingsdose mot Covid-19

FHI gjev no tilbod om oppfriskingsdose mot Covid-19 til personar mellom 18-64 år utan underliggjande risiko for alvorleg sjukdomforløp. Ønsker du oppfriskingsdose kan du bestille time til vaksinering på telefon 99 21 93 98 onsdagar mellom kl. 10:00-15:00.

No kan du sjølv velge fakturaterminar på kommunale eigedomsgebyr

Høyanger kommune kan no tilby fleksibel fakturering  på kommunale eigedomsgebyr. Tidlegare har alle blitt fakturert to gonger i året, med forfall i april og oktober.

Tilskot til trafikktryggingsaktivitetar

To gongar om året deler Vestland fylkeskommune ut tilskot til aktivitetar som bidrar til å tryggje trafikk og trafikantar. Søknadsfrist er 1. desember 2022.

Offentleg ettersyn - Budsjett 2023 og økonomiplan 2023-2026

Formannskapet sitt framlegg til årsbudsjett 2023 og økonomiplan for 2023-2026, er lagt ut til offentleg ettersyn frå 23.11.2022. Formannskapet sitt framlegg til budsjett 2023 og økonomiplan 2023-2026 finn du her. Merknader må vere mottekne seinast 07.12.2022, og skal sendast til Høyanger kommune, postboks 159, 6991 Høyanger eller postmottak@hoyanger.kommune.no

Budsjett 2023 og økonomiplan 2023-2026

Kommunedirektøren presenterte sitt framlegg til budsjett 2023 og økonomiplan 2023-2026 fredag 4. november 2022. Her kan sjå framlegg til budsjett 2023 og økonomiplan 2023-2026 . 

Du er ein del av Norges beredskap

Har du alt du treng for å klare deg sjølv i minst tre døgn dersom vatn og straum plutseleg blir borte? 31. oktober starta ei landsdekkjande kampanjeveke om eigenberedskap i regi av Direktoratet for samfunnssikkerhet og beredskap (DSB).

Trafikktryggingstiltak i sentrum av Høyanger

Det vert om kort tid avsperra ein parkeringsplass i Marcus Thranes gate.  

Jegerprøvekurs

Balestrand jeger- og fiskarlag arrangerar Jegerprøvekurs. Jegerprøven består av eit obligatorisk kurs og ein elektronisk eksamen. Når du har bestått eksamen tidligst det året du fyller 14 år, blir du automatisk registrert i Jegerregisteret.

Kine Larsen Lægreid
Kultur- og folkehelsekoordinator
E-post
Telefon 57 71 15 87
Mobil 45 14 20 74
Rønnaug Meek
Dagleg leiar for Høyanger Frivilligsentral/Høyanger kommune
E-post
Telefon 57 71 16 58
Mobil 99 32 13 22